Presidentja e vendit, Vjosa Osmani ka përkujtuar heroin Agim Ramdanin në 25 vjetorin e rënies së tij.

Osmani tha se Agrim Ramadani ishte një gërshetim i luftëtarit.

“Agim Ramadani nuk ishte thjesht vetëm ushtarak, por një gërshetim i luftëtarit, poetit e piktorit, respektivisht një personalitet poliedrik i shndërruar në hero. Ai është njeriu i mërgatës, patrioti e guximtari që ëndrrën për lirinë e bëri realitet duke iu bashkuar UÇK-së dhe duke u përjetësuar në heroin emblematik të shembjes së kufirit ndërmjet Kosovës e Shqipërisë”, ka thënë presidentja Osmani.

Tutje ajo ka thënë se Komandant Katana me bashkëluftëtarët i dhanë jetë ëndrrave dhe aspiratave të popullit tonë për të qenë i lirë.

“Heroizmi dhe trashëgimia e Agimit do të vazhdojnë t`i frymëzojë brezat që do të vijnë. Qoftë i përjetshëm kujtimi për heroin Agim Ramadanin!”, ka thënë Osmani./Arbresh.info/

LEXO EDHE:

Komandant Katana – 25 vjet nga rënia e Agim Ramadanit